Multitaskerებმა რა ვქნათ

თქვენც თუ ჩემსავით კითხულობთ ხოლმე დებილურ სტატიებს თვითმენეჯმენტზე მიხვდებოდით, რომ რვაფეხებს არ გვწყალობენ. აქაოდა მიხედეთ და ერთ რამეს მიაწექით, ფოკუსირდით, გაუმჯობესდით და მეტს მიაღწიეთო.

არადა, ვარსებობთ ადამიანები, რომლებიც ერთდროულად რამდენიმე რამეს და ზოგადად მსოფლიოში ყველაფერს ვაკეთებთ, რომლებსაც გვწყინდება ერთი და იმავე აქტივობით დაკავება, ვერ ვახდენთ კონცენტრირებას და ერთ საქმეზე მუშაობისას სხვა საქმეზე გვეფიქრება, რადგან კიდევ ძალიან ბევრი საინტერესო და ძალიან მაგარი რამე არსებობს და თან სავალდებულო საქმეები მომენტალურად კარგავენ “მუღამს”.

თავს დავდებ ყველას გამოგიცდიათ – ერთი დიდი საქმე რომ გაბარიათ, გამოცდა იქნება, რამე ფეიფერის დაწერა, სამსახურის ინტერვიუ, შეხვედრა თუ რამე მსგავსი, და თან მოსამზადებლად საკმარისზე მეტი დრო გაქვთ. თან ეს რაღაც ერთი დიდი საქმე იმდენად საპასუხისმგებლო და მნიშვნელოვანია, რომ ვერც გარეთ გადიხართ და არც ცხოვრებისეული სიამენი გერგებათ, გონება იმ რაღაცას უტრიალებს და საბრალოდ ოხრავთ და წუწუნებთ. როგორც წესი სცენარი ასეთია ხოლმე: მაინც ბოლო წუთამდე სისულელეებით ვავსებთ დროს და ბოლო რამდენიმე დღესა და ღამეს ვასწორებთ. შედეგი საშუალოა, დრო – გაფლანგული და უსაშველოდ გაწელილი.

ან, სცენარი N 2. სამსახური გაქვთ, ან რაღაც 1 ხდება მთელი დღის განმავლობაში, ისეთი, საშუალო დონის. მთელი დღე ისე ივსება ამ მოვლენით, რომ სხვას ვეღარაფერს ახერხებთ. არადა რომ ფიქრობთ არც თუ ისეთი დაკავებულ-დაღლილები უნდა იყოთ. მაგრამ დრო რაღაცნაირად გადის.

მოკლედ, სიტყვა რომ არ გამიგრძელდეს, საქმე რაშია:

რაც უფრო მეტ რამეს აკეთებთ, დროის აღქმაც იცვლება, დღე ხანგრძლივდება და ყველაფრისთვის გყოფნით 🙂

ან სხვანაირად, რამდენიმე საქმეს თუ არ აკეთებთ, ვერც ერთზე ვერ მუშაობთ ხარისხიანად.

warning: პრიორიტეტების დალაგებაში არ აგერიოთ, ასე თუ ისე მაინც უნდა იცოდეთ ყველაზე მნიშვნელოვანი რა არის დღის განმავლობაში, რომ ენერგია რაღაც შტერობებზე არ დაგეხარჯოთ.

უბრალოდ იმ ერთ პრიორიტეტულ რამეს სხვა საქმეები მიუმატეთ. იმ ერთსაც უკეთესად გაართმევთ თავს, სხვა საქმეებსაც და ბოლოს კმაყოფილებს და ბედნიერებს დაგეძინებათ.

ჰო, ვიცი, ცუდია ერთი მიზანი და ერთი მიმართულება რომ არ მაქვს, მაგრამ დიდი ხნის წინ გადავწყვიტე თავთან ბრძოლის მაგივრად მაქსიმალურად კომფორტულად მოვერგო საკუთარ თავს.

ჩემი აქტივობების წრე ასე გამოიყურება:

საქმეები: სწავლა – სტარტაფი – ონლაინ ბიზნესი – სამსახური.

დროის ფაქტორი:

უნივერსიტეტი – კვირაში 15 საათი; (ამჟამად 40+, ფეიფერებს ვწერ, თან რამდენიმეს ერთად რომ არ მომწყინდეს)

ონლაინ ფრილანსერობისთვის / ბიზნესის აწყობისთვის – კვირაში 15 საათი;

სტარტაფისთვის ცოტა ნაკლები, ზემოთხსენებული მიზეზების და საქმეების გამო – 10 საათი;

ახლა ახალ სამსახურს ვეძებ, დღეში 1-2 საათით (მერე კვირაში 20 საათს ვიმუშავებ).

დასვენება/კეთილდღეობა: მუსიკა-ვარჯიში-გარეთ გასვლა-სოციალიზაცია – ფილმები და ეშმაკის მანქანები

მუსიკა-ხელოვნებისთვის კვირა დღე არსებობს;

ვარჯიში, ფიტნესი, იოგა, სირბილი –  ყოველ დღე, გონებას წმენდს და ფიზიკურად გვაკაჟებს;

გარეთ გასვლაში რას გულისხმობო იკითხავთ. იმას, რომ სახლში და ხალათში გატარებული დღეები მეზიზღება. გარეთ გასვლა სულაც რამდენიმე წუთით ყველაფერს ცვლის, სხვა ენერგიით და აზრებით გვავსებს. დაკვირვებიხართ რა მაგარი იდეები მოგდით მეტროში ან მოგზაურობისას? ან ერთი სული არ გაქვთ ხოლმე სახლში როდის მიხვალთ რომ “აქეთ გორასა წიხლსა ვკრავ?”.

ჰოდა, სულ ვამბობ ხოლმე, რომ ბლოგპოსტებს ჩემთვის ვწერ.

მე მჭირდებოდა ახლა თავისთვის შეხსენება, რომ არაუშავრს თუ 20 წუთში მწყინდება. არაუშავრს, თუ ხალხს ვერ ვუხსნი რატომ მაინტერესებს ა და ჭ, რომ ერთი რამის კეთებისას ასი იდეა მომდის და მერე იმ ას რამეზე ვეძებ ინფორმაციას და ასივეს ვიწყებ. თუ სიტყვა “კომპლექსური” შეიძლება ადამიანს აღწერდეს, მაშინ მე ვარ კომპლექსური. კომპლექსური რვაფეხა.

მერე რა, we are awesome 🙂

მთავარია ძალა მოვიკრიბოთ, საკუთარ თავებს მოვუსმინოთ, სისტემა შევიმუშავოთ და მივყვეთ.

6 მარტივი გზა უცხო ენის სასწავლად

10569049_443208629155326_7828143323388014491_nძალიან მსიამოვნებს ახალი ენების სწავლა.

ენის სწავლა არ ნიშნავს ჩვენი ბედკრული სკოლების (საბჭოთა) მეთოდების გამოყენებას, (ეგ საერთოდ სისხლის სამართლის დანაშაულია). სწორედ ასე ვახერხებ სიამოვნება მივიღო ახალი ენის სწავლით.  10-10 საათი ჯდომა და სავარჯიშოების ზედმიწევნით კეთება ნამდვილად გადამრევდა.

მთავარია ის ენა მართლა გიყვარდეს და იმ კულტურაზე გიჟდებოდე, გქონდეს მოტივაცია, მოგწონდეს ხალხი და იქ ყოფნა ძალიან გინდოდეს.  Continue reading “6 მარტივი გზა უცხო ენის სასწავლად”

როგორ ვიმეცადინოთ ჭკვიანურად

წიგნებზე თავის ბარტყუნი გონივრული რომ არ არის, ვიცით. რეალურად, სწავლა სასიამოვნო, საინტერესო და მსუბუქი პროცესია, თანაც, lifelong. თუ ასე არ არის, თანაც, ეს ტანჯვა ქულებზე არ აისახება, ე.ი. ამას შეცდომით ვაკეთებთ.

უბრალოდ, გამოყავით დრო და ამ ლექციას მოუსმინეთ. ნამდვილად ღირს ერთი საათის გადადება ჩვენი სწავლა-შემეცნების უნარის გაუმჯობესების ხათრით.

Podcasts

2743534799_e1c988d6be_bრატომ უნდა მოვაცდინოთ ყურები და გონება, როცა ვმგზავრობთ, ოთახში ვფუსფუსებთ, ან ტვინი სხვა მნიშვნელოვანი რამით არ გვაქვს დაკავებული?

ძალიან ბევრი რამის სწავლა პოდკასტებითაა შესაძლებელი. ესაა შემეცნებითი აუდიოფაილები.

ჰოდა, ჯერ არს ჩემთვის ცნობილი პოდკასტები გაგიზიაროთ 🙂

წყარო უნდა აღინიშნოს. ამათგან უმეტესობა მე ჩემს საყვარელ Entrepreneur Magazine ის სტატიებიდან აღმოვაჩინე. აქ და აქ

  1. ეს სტარტაფებზეა
  2. როგორ ვიშოვოთ ფული “პასიურად”
  3. ეს იმ წიგნის ავტორის პოდკასტია, “4 საათიანი სამუშაო კვირა”. წიგნს აქ ნახავთ, პოდკასტს კი, აქ.
  4. სტარტაფები, თავისთავად 🙂
  5. ეს ჩემი საყვარელი ბლოგია! Entrepreneur on fire!
  6. ინტერნეტ ბიზნესი
  7. ეს ერთ-ერთი პროფესიონალი კაცის, ქრის დაქერის პოდკასტია.
  8. ეს კი მისი კოლეგა ქალის 🙂 მშვენიერი რამეა და დიდი მასალაც დევს.
  9. Fizzle ძალიან ცნობილი საიტია. შეგიძლიათ გაწევრიანდეთ და მრავალ რჩევა-დარიგებასაც მიიღებთ. აი, პოდკასტი
  10. “A series about what happens when someone who knows nothing about business starts one”. ჩვენზეა 🙂
  11. Accidental Creative
  12. თვითონ Entrepreneur Magazine სთან არსებული პოდკასტები იხილეთ აქ

ძალიან კარგ რამეებს გადააწყდებით ამ ლინკებზე:

http://www.startalkradio.net/

http://99percentinvisible.org/

Ted Radio Hour

The Gist

და ეს მუსიკალური გადაცემებიც ძალიან მიყვარს

აბა, გამოიყენეთ და ისიამოვნეთ! 🙂

MOOC – part 2

გამარჯობა!

MOOCების ამ სიას დავუმატოთ

1. Alison.com

2. Novoed

და ენების შესასწავლად გირჩევთ ზოგად საიტებს 🙂

Duolingo.com (შემოწმებული, მოწონებული 🙂 ) Continue reading “MOOC – part 2”

ონლაინ კურსები და რესურსები

Mooc

MOOC -ები (massive open online courses) განათლების მიღების უუუჭკვიანესი, გენიალური საშუალებაა! დასხედით და უყურეთ ბედნიერად ონლაინ ლექციებს, იკითხეთ, აკეთეთ დავალებები, თუ გჭირდებათ, სერთიფიკატებსაც აიღებთ. ვიდეოლექციების ყურება გაცილებით პროდუქტიულია, ვიდრე, მაგალითად, მუსიკალური ვიდეოების.

მე იმ საიტებს გაგიზიარებთ, რომლებსაც თვითონ ვიყენებ.

  1. https://www.coursera.org/ – სადაც ნახავთ საუკეთესო უნივერსიტეტების საუკეთესოდ “გამართულ” კურსებს, ყველა განხრით, ყველა თემაზე. ფავორიტი ფავორიტთა შორის!  ერთი ნაკლი აქვს – კურსების ვიდეოებს ყოველთვის ვერ ნახავ. კურსები სხვადასხვა დროს იწყება და მთავრდება, ძველი კურსების ვიდეოებს (ოღონდ თუ ამ კურსებზე დარეგისტრირება კურსის დამთავრებამდე მოასწარით) რაღაც პერიოდის განმავლობაში ნახავთ (ეს პერიოდი შეიძლება რამდენიმე თვიდან ერთ წლამდეც გაგრძელდეს), სხვა შემთხვევაში კურსის დაწყებას უნდა დაელოდოთ. გამოსავალი – შეგიძლიათ გახსნილ ან გამოცხადებულ კურსებზე დარეგისტრირდეთ და მერე თავისუფლად შეხვალთ როცა მოგესურვებათ (თუ ვიდეოები მალევე არ წაშალეს). საიტზე ყველაფერი ძალიან მარტივია.
  2. https://www.khanacademy.org/ – შეუდარებელი რამაა მათემატიკა, მეცნიერება, ხელოვნება, ტექნოლოგიებსა და ასეთ რამე-რუმეებში 🙂 ყველაფერი სულ ხელმისაწვდომია.
  3. https://iversity.org/ – კურსერასთან შედარებით ცოტა, მაგრამ ძალიან საინტერესო, მუდამ ღია კურსები აქვს, მათ შორის, დიდი ნაწილი, გერმანულ ენაზეც.
  4. https://www.udemy.com/ – აქ კურსების ნაწილი ფასიანია. მაგრამ, 6000 (!) კურსში უფასოც უუუამრავია. უბრალოდ, ძებნისას მიუთითეთ “free”
  5. http://ocw.mit.edu/courses/ &
  6.  http://online.stanford.edu/  – ამ ორით ჯერ არ მისარგებლია, მაგრამ კურსების სათაურები საინტერესოდ გამოიყურება 🙂
  7. https://www.sdsnedu.org/home – პროფესორი ჯეფრეი საქსი თავად უძღვება ისეთ კურსებს, როგორიცაა “The age of sustainable development”, “planetary boundaries of human opportunities”, “climate change and negotiations”. – მათთვის, ვისაც ეს თემატიკა აინტერესებს.
  8. http://www.codecademy.com/ – თვალებს ნუ დავხუჭავთ – კოდირება ჩვენი ცხოვრების მომავალია. რაც უფრო სწრაფად გავერკვევით და დავუმეგობრდებით, მით უკეთესი.
  9. http://codecombat.com/ – ეს საიტიც კოდირების ათვისებაში გვეხმარება.
  10. https://www.duolingo.com/ – ამით ენების ანა-ბანას ისწავლით. კონკრეტული ენების შესასწავლ რესურსებზე კი დიდი პოსტია დასაწერი.
  11. https://www.udacity.com/ – 11 უფასო, ხარისხიან კურსს გთავაზობთ კომპიუტერულ მეცნიერებაში და ასეთ რაღაცეებში 🙂
  12. https://www.edx.org/ – კურსერასავითაა. უფასო და მშვენიერი.

Continue reading “ონლაინ კურსები და რესურსები”

8 ხრიკი პროდუქტიულობის გასაზრდელად

tips (6)ახლა თავის მოსაფხანად არ მცალია.

ამიტომაც შემოვირბინე ბლოგზე დროის გასაწელად და სუპერ მოსაბეზრებელი საქმის გადასავადებლად.

მოსაყოლი კი, იცოცხლეთ, ბევრი მაქვს დაგროვილი.

დღეს პროდუქტიულობის გამზრდელი ხერხების შესახებ მოგიყვებით, მე რომ ვიყენებ. საკუთარ თავსაც გავახსენებ, როგორ უნდა ავიწიო და იქნებ მოვუღო იმ ბოლო, გრძელ და სულელურ “თასქს”, მე რომ მიდევს ცხვირწინ.

1. დილა

ყველაფერი დილით იწყება. აი, როგორი უნდა იყოს დილა (“რომ გლეხისათვის ყოველი სამუშაო და უქმე დღე ნამდვილ დღესასწაულად გადაიქცეს :)” )

ა. ღამესვე ჩამოწერეთ რისი გაკეთება გინდათ;

ბ. გონების თვალით წარმოიდგინეთ რის შემდეგ რას გააკეთებთ. ეს ძალიან მნიშვნელოვანია.

გ. ძილის წინ ფურცლიდან იკითხეთ, კომპიუტერი/სხვა მოწყობილობა არ დაგაძინებთ;

დ. რაც შეიძლება გვიან აიღეთ ხელში ტელეფონი, დილას ეკრანიან ტექნიკას მოერიდეთ.

ე. ჯობია რადიოს უსმინოთ, ვიდრე ტელევიზორი ჩართოთ.

ვ. მაღვიძარა არ “დაასნუზოთ”!

ზ. უსიამოვნო რამეებზე არ იფიქროთ.

თ. ივარჯიშეთ! თუნდაც ცოტა ხნით!

აი, პოსტი 1

პოსტი 2

ვარჯიში არამარტო “ტანის დასაყენებლადაა” კარგი. ეს უდიდესი სტიმულია გონებისათვის, შეინარჩუნოთ თვითდისციპლინა. თუ მაგრად ივარჯიშებთ, მაშინ ნებისმიერი გონებრივი სამუშაო გამოგივათ. არ ჩააგდოთ არცერთი დღე! ეს საკუთარ თავთან, მესა და გონებასთან ურთიერთობის კულტურაა.

ი. უპირველესად, თავიდან მოიშორეთ ყველაზე რთული საქმეები. რაც ყველაზე მეტად არ გინდათ, ის გააკეთეთ. გახსოვდეთ – დაღლა და წვალება მეორე წუთს არ გემახსოვრებათ. მერე რა, ცოტათი დაიტანჯებით, სამაგიეროდ, მოგვიანებით, საკუთარ თავს მადლობას შესწირავთ 🙂

2. დრო დაუთმეთ საკუთარ თავთან ურთიერთობას.

პირადი სივრცის არსებობა აუცილებელია. ურთიერთობა გაქვთ საკუთარ თავთან? შიფრავთ იმ აზრებსა და იდეებს, რაც მოგდით? რაღაც მიმართულებას აძლევთ თქვენს ფიქრებს და ენერგიას? ამ კითხვებზე პასუხი დადებითი უნდა იყოს, თუ არადა, მაშინ როგორ მუშაობთ საკუთარ თავზე?

თუ არ მუშაობთ, მაშინ როგორ უმჯობესდებით?

და თუ არ უმჯობესდებით, აბა რას აკეთებთ? O_O

წარმოსახვა და აზრები პოტენციური ფიზიკური სამყაროს სურათია. იდეები მოგდით, თქვენ მათი მატერიალიზება და რეალობაში იმპლემენტაცია გევალებათ.  ჩამოწერეთ რისი გაკეთება გინდათ, ჩაწერეთ პერსონალური ვიდეოები, ა.შ.

3. ითამაშეთ თამაში – 30 დოლარი

აი, ეს თამაში. ცოპყრაითი ჩემგან 🙂

4. გადაწყვიტეთ რა შედეგების “დადება” გინდათ და ამისთვის დედლაინები დანიშნეთ

იქნება ეს სერთიფიკატები, გაფორმებული ხელშეკრულება, არ ვიცი, რაღაც ხელშესახები შედეგი, რომლის მიღწევაც გინდათ.

თქვენი საქმიანობა არ  ითვლება, სანამ მას მაგიდაზე არ იხილავთ.

5. თვითგანათლება

მე დავაარსე “უნივერსიტეტი”, რომლის სტუდენტობა სიკვდილამდე მიწერია. მინდა ვფლობდე 5 ენას, ან კარგად ვერკვეოდე… რავიცი, მათემატიკაში, მაინტერესებს ნეიროლოგია ან მინდა ერთ დღეს ხატია ბუნიათიშვილივით ვუკრავდე? ჰოდა, ამისათვის უნდა ვსწავლობდე. აუცილებელი ხომ არაა რომელიმე აუდიტორიაში ვიჯდე და კოლოქვიუმების წინა ღამეს თვალებს ვითხრიდე?! თითქმის ყველაფერს ინტერნეტით ან თქვენითაც ისწავლით.

აი, ჩემი უნივერსიტეტის ფაკულტეტების ჩამონათვალი. იმას ვაკეთებ და იმ ვიდეოლექციებს ვუყურებ, რომლის ხასიათზეც ვარ ხოლმე.

1. Linguistics (English, German, Norwegian, French, Russian, Japanese)

2. Business administration (Entrepreneurship, Practical leadership, Finances and Economics, Management, PR, Math)

3. Arts (A. Music, Composing, Singing, Piano, Music theory, Music production*

B. Fine art & design (Drawing, Sketching)

C. Storytelling and writing

4. Social sciences (Sustainable development, History, Peace studies)

ა.შ. ა.შ. ა.შ. ა.შ. ა.შ.

6. დაიწყეთ

რაც და როგორც არ უნდა გეზარებოდეთ, სასიხარულო ამბავი მაქვს თქვენთვის!

არსებობს ასეთი ფენომენი “ZEIGARNIK EFFECT”, რაც იმას ნიშნავს, რომ გონების მოთხოვნილებაა დაამთავროს დაწყებული საქმე. არ გქონიათ შემთხვევა, რომ რამის კეთებას ვერ ამთავრებთ, გინდათ ბოლომდე მიყვანოთ საქმე, რაც არ უნდა დებილობა იყოს?… ეგაა ჩვენი მეგობარი “ZEIGARNIK”. ასე, რომ, თქვენ მხოლოდ დაწყება გევალებათ. 1, 2, 3….

7. პროგრესის მონიშვნა

ჩაინიშნეთ რომელი საათიდან რომელ საათამდე რა გააკეთეთ, აღნიშნეთ პროგრესი. პატარა დედლაინებიც ჩაასკუპეთ და ყოველი ჩანაწერი პატარა (ან დიდ) სიხარულს მოგანიჭებთ.

8. ერთ რამეზე იმუშავეთ

Multitasking არ ამართლებს…

აი, კიდევ პატარა დახმარებები ჩემი მეგობარი “ENTREPRENEUR” ისგან. (ფეისბუქზეც დაალაიქეთ)

სულ “ZEIGARNIK EFFECT” ის ბრალია ამხელა პოსტი რომ გამომივიდა. აბა, დროებით!

Continue reading “8 ხრიკი პროდუქტიულობის გასაზრდელად”